Actualización: ademais dos bos desexos expresados máis arriba, o derradeiro día do 2007 déixame un capítulo máis na miña relación con esa caixa de sorpresas que é o Servizo Galego de Saúde. Como xa lles comentei, o meu paso por chapa e pintura adiouse unhas horas antes de celebrarse... pois ben, esta mañá, non con nocturnidade pero si con aleivosía, recibín unha nova chamada que cursou, aproximadamente así:

-Le llamamos del Hospital Clínico, ingresa mañana de cuatro a siete

-Pero non quedara para a segunda semana de xaneiro?

-[Reprodución libre do falado]: Quedar, quedara... pero tamén pode rexeitar a cita e agardar a que San Froilán baixe o dedo para que o volvamos chamar. Por min como se está traballando ou de vacacións no Congo Belga.

-A seguir ben e feliz ano, simpática.

Pois iso, que as reparacións produciranse -sempre e cando non haxa alteracións de axenda nas próximas 24 horas- pasado mañá, dous de xaneiro. Hoxe escoitaba na radio que os veciños do sur acostuman guindar pola fiestra todo o malo que lles sobra no comezo do ano, como símbolo de pureza e renovación. Eu fareino, pero ao besta e por vía cirúrxica. Mantereinos informados (se non hai cambios)...

This entry was posted on domingo, decembro 30th, 2007 at 6:34 pm and is filed under Cousas da casa. You can follow any responses to this entry through the RSS 2.0 feed. You can leave a response, or trackback from your own site.