Convalecencia, capítulo 1: a grapadora

Xaneiro 3, 2008 ás 6:52 pm | En Cousas da casa |

Dezaseis grapas. A miña conexión entre a perna dereita e o resto do corpo está, dende onte á mañá, perfectamente tuneada con dezaseis apliques metálicos. Foi apenas unha hora na que, un equipo de xente entre o que se contaban ata dous lugueses, fedellaron en min para quitarme todo o que me sobraba. Unha vez soltado o lastre (que, en principio, parece que non escapou máis alá do sitio no que estaba), quen lles fala pasou por unha cama desas que suben e baixan cun mando e tentou -sen éxito- dar a volta para durmir. Agora escribo dende a casiña compostelá... durante os vindeiros días, a familia máis cercana irá metabolizando o susto que lles dei e desexará, coma min, que os resultados cheguen en tempo e forma e sexa para ben. Ademais... percorrerei distancias abismais coma o traxecto cociña-cuarto-baño-salón a un ritmo propio dos nosos maiores. De momento, un adianto... 100% de posibilidades de éxito no asunto, que non é pouco. Seguirei informando.

Chuzame! chuzame -

8 Comentarios »

Fonte RSS para os comentarios desta anotación. TrackBack URI

  1. Se nestes días dáche por facer outras cousas propias dos nosos maiores, como engancharte ao Luar, a ver o Tempo na Galega, escoitar a Cope e votar ao PP, avisa.

    Comentario por zerovacas — 3 Xaneiro 2008 #

  2. Eu sei como se pasan esas situacións e ánimo que logo se sae! :) Cada dia descúbrese que se mellorou un pouco..antes non se daban dous pasos seguidos.. logo dánse tres pasos ben dados.. de vagar… haberá tempo pra reflexionar e/ou bloguear! Ánimo!!

    Comentario por pedreira — 3 Xaneiro 2008 #

  3. moitoo ánimo dende Canguiñas!bicoooos :P

    Comentario por caufield — 3 Xaneiro 2008 #

  4. Dous lugueses nun equipo de profesionais? Somos unha potenzia, érache boa verdade :)
    Cóidese muito e non faga esforzos, vostede que pode.
    Bicos

    Comentario por emereci — 4 Xaneiro 2008 #

  5. Eu pensei que era para a semana!
    Alégrome de que todo saíse ben!

    Comentario por xorna — 4 Xaneiro 2008 #

  6. […] Hai algo máis de vintecatro horas que deixei o taller de chapa e pintura para chegar ao que, nos vindeiros días, será o meu único espazo vital, isto é, a miña casa. O certo é que o balance das últimas horas non é para queixarse: despois dunha noite con grandes logros coma cambiar de posición ou durmir de lado, cunha axudiña cheguei ao salón dende o que lles falo. Dende este sillón, auténtico centro de operacións, ando a resistir as embestidas dunha leve tos que provoca que os meus remaches tiren cada un para o seu lado, provocando unha dor semellante ao de 32 agullas clavándose onde máis lle doa a cadaquén. […]

    Aviso (Pingback) por Lucensismo e outros males — 4 Xaneiro 2008 #

  7. […] así dous meses e dezasete días des que todo isto comezara con aquilo das grampas e continuara coa toxicidade e os seus efectos secundarios, aos que me vin referindo nos últimos […]

    Aviso (Pingback) por Lucensismo e outros males — 22 Marzo 2008 #

  8. Amoxicillin online homepage….

    Amoxicillin. Amoxicillin dosage. Amoxicillin with no prescription. Prescription free amoxicillin. Amoxicillin rebate. Can i have a beer if i m taking amoxicillin. Amoxicillin order mexico mexican. Amoxicillin online homepage….

    Rastro (Trackback) por Amoxicillin kills acne. — 16 Abril 2008 #

Deixa un comentario

XHTML: <a href="" title=""> <abbr title=""> <acronym title=""> <b> <blockquote cite=""> <code> <em> <i> <strike> <strong>

*
To prove you're a person (not a spam script), type the security word shown in the picture.
Anti-Spam Image

Isto existe grazas a WordPress e Blogaliza, co aspecto Pool theme deseñado por Borja Fernandez e modificado pol'O'Xirarei
Semente RSS das Entradas e dos comentarios. Válidos XHTML e CSS. ^Ir enriba^