Decembro, 2008

De hoxe nun ano :)

Decembro 31st, 2008 Decembro 31st, 2008
Posted in Cousas da casa, Rachí
2 Comments »

Crime e silenzo

Decembro 28th, 2008 Decembro 28th, 2008
Posted in Alén Piornedo
1 Comment »

Nos últimos dous días,  o Estado de Israel asasinou máis de 300 cidadáns palestinos na faixa de Gaza, unha área xeográfica que carece dun bo número de servizos básicos por mor do bloqueo á que o somete Israel des que a rexión está gobernada por Hamás. Ese mesmo bloqueo é o culpábel de que, despois da auténtica carnicería provocada por un Estado que apoia calquera crime de guerra na traxedia que viviron os seus antergos, os hospitais palestinos apenas conten con medicamentos e estean absolutamente colapsados para atender aos máis de 900 feridos, a maioría graves.

Disque este ataque indiscriminado que levou por diante homes, mulleres, nenos e nenas é a resposta ao lanzamento de cohetes dende a faixa, unha zona que antes era rica grazas á súa produción agraria  e agora recibe axuda humanitaria. Pola banda israelí morreron 2 soldados. Case sete mil reservistas hebreos foron xa chamados a filas mentres o primeiro ministro, Ehud Olmert, ten o valor de afirmar que o seu país actuará con sensatez, paciencia e firmeza” ata “acadar os resultados desexados.

A tibieza da comunidade internacional, ONU e UE incluídas, fai pensar de novo que algo falla. Aquí, como en case todo nesta vida, non vale a imparcialidade. Imaxinan o que pasaría se os papeis estivesen invertidos?

Foto: Policías palestinos asasinados. Extraída de Público -non está asinada-

24-D

Decembro 24th, 2008 Decembro 24th, 2008
Posted in Cousas da casa
2 Comments »

E sede buenos, que senón o Apalpador pasa pola porta pero pasa de vós ;). E, insisto… sorrían 🙂.

Sentinme raro…

Decembro 15th, 2008 Decembro 15th, 2008
Posted in Cousas da casa, Xornalistiña
2 Comments »

… porque raro é, por mor dunha serie de imprevistos e rebotes que non veñen ao caso, ter que rematar entrevistando en inglés a un Premio Nobel de Física. O ignorante que pode chegar a sentirse un  diante de don Gerardus ‘t Hooft preguntando polos black holes… Sabían que un asteroide ten o nome deste home e que lle escribiu unha constitución onde están prohibidos os apóstrofos?

Nota ao pé: décatáronse de que xogo de palabras tan ben traído?

Aínda vos hai xente

Decembro 12th, 2008 Decembro 12th, 2008
Posted in Cousas da casa, Divagacións
3 Comments »

O Cesto

Todos os días atopamos xente. Tomando o café, cruzando a rúa, mercando o xornal ou na mesa do lado mentres pedimos unha caña ao finaldo día. Parte desa xente repítese. Detrás da barra, na caixa do súper, ou no control de seguridade da Xunta. Hoxe quero falar da xente. E en primeira persoa.

Hoxe fun xantar ao sitio onde xantaba case todos os días durante os anos de carreira e ao que, desde aquel tempo, me gusta volver de cando en vez. Xeralmente vou só e a mala hora, preto das catro, cando están a piques de pechar a cociña. Poden pasar meses entre unha visita e a seguinte pero é un sitio que me fai sentir na casa e tamén me fai lembrar os tempos da facultade. Gústame sentar, ler o xornal e elixir entre caldo-sopa-ensalada-o-ensaladilla e o que haxa de segundo, sempre o mesmo segundo o día da semana.

Este mediodía cheguei, preguntei se había alguén esperando, elixín o menú do día e collín a prensa para acompañar. Na tele, Tele5, coma sempre. Ao pagar, a rapaza que sempre semella sorprendida cando lle dis “gracias” ao traerche as consumicións pregúntame “que tal estás?“. A miña cara de “ein?” durou dous segundos, o xusto para que me explicase que hai uns meses xa se dera conta de que me pasaba algo e que, como había tempo que non me vía, maís dunha vez se lembrara de min e tiña gañas de preguntarme como me ía, e de saber se estaba ben. Pensárao varias veces, pero non se atrevera as poucas que me vira, por se me molestaba. Non dubidei en explicarlle que, afortunadamente, xa estou ben, e o sorriso quedoume un tanto descolocado cando me aclarou que é especialmente sensible no tema, porque apenas tiña oito anos cando a súa nai morreu “desa enfermidade”. E que moitísimas gracias por interesarse. Saín cunha sensación estraña, pero moi agradable. Aínda hai xente no mundo, rapaces.

E ao saír, puxen “Hoy puede ser un gran día“, en versión de Serrat e Sabina, a todo volume na radio do coche. Por se a alguén lle quedaba algunha dúbida. Sorrían, por favor.

3,2,1… Imos aló

Decembro 9th, 2008 Decembro 9th, 2008
Posted in País, Xornalistiña
4 Comments »

Logo XdG

Despois das correspondentes contraccións, o neno nacerá mañá hoxe, que xa é martes 9, e dará os primeiros pasiños, primeiro arredor dos quioscos, logo aprenderá a xogar coa Rede e, xusto despois, aprenderá a andar para chegar todo o lonxe que poida. Collerémolo da man para saír á rúa. Imos aló.