'Medios' Category

Analice comigo o titular

Febreiro 12th, 2007 Febreiro 12th, 2007
Posted in Divagacións, Medios, País
6 Comments »

son-maltrato.jpg

A ver a vostede que lle parece, señora, porque igual somos a miña maldá e mais eu que lle sacamos defectos a todo e tal. Títula La Voz de Galicia Los pellizcos y el control de los gastos o amistades de la mujer son violencia doméstica para la Xunta. Como interpreta isto? a) Por fin alguén recoñece que isto tamén é violencia b) Mira tú ho, va ser violencia esto si es lo más normal del mundo, también cómo son.

Xaneiro 22nd, 2007 Xaneiro 22nd, 2007
Posted in Medios, Momentos freaks, País
15 Comments »

[gv data=”Fli5qcbTszk” width=”425″ height=”350″][/gv]

Sinxelamente enorme, se o produto orixinal do Vincent Jalo me parecera enorme, ver a Amancio Prada a ritmo de Funky Cold Rosalía no Luar, aínda que o DJ non fose o propio pai da criatura, xa foi superior. E se aínda por riba un o ve nun deses sitios aos que adxectivos coma “mítico” ou “antolóxico” lles quedan pequenos… imaxínese. Ala, góceno.

Eu tamén son dos exiliados

Xaneiro 10th, 2007 Xaneiro 10th, 2007
Posted in Divagacións, Medios
34 Comments »

muralla-noite.jpg

Nunca lle pasou a vostede, nalgún momento que, lendo un libro, unha revista ou, sobre todo, un xornal, chegou á seguinte conclusión? “Este/a parece que me leu o pensamento e o escribiu en bonito”. Pois iso, exactamente iso é o que me pasou ao ler a contra do Galicia Hoxe de hoxe mesmo, valla a redundancia. Henrique Alvarellos, na súa Crónica da semana invisible, titulada destavolta Rapsodia en Lugo, non é que me lera o pensamento, é que mo calcou. Especialmente neste parágrafo que me permito reproducir. Góceno, aínda que non sexan nin teñan nada que ver con Intramuros, que é ben bonito. E os que si sexan e pertenzan ao xénero dos exiliados… Digan que si coa cabeza e que o punto melancólico lles dure o xustiño para que a Muralla os reciba con agarimo cando volten de visita, outra vez. Aí lles vai:

MÉRCORES, 3

Lugo irreal, Lugo invisible. Nestes días de lecer sobe o neboeiro miñoto ao castro amurallado. Entre a bruma un atopa en rúas, parques, clubs-fluviais e bares de madrugada a todos os que noutro tempo eramos esmorga, panda, tardes interminables, pupitre de instituto, campo de xogo… Ás veces o Lugo dun parece unha cidade de exiliados. Todos os que retornamos para ver xermolar o ano na matria natal. Cada un de nós recobra posicións, ocupa de novo aqueles lugares, por só uns días. Como se o tempo dese volta, aí, ese tempo cando as rúas coñecían os nomes de cada un de nós. Pero xa non é así. Este é un Lugo invisible, un Lugo irreal. Mais un aproveita cada minuto desta película imposible e dalgún xeito faina revivir, como nos vellos tempos.

De viñetas

Xaneiro 4th, 2007 Xaneiro 4th, 2007
Posted in Alén Piornedo, Divagacións, Medios
33 Comments »

vineta-avui.jpg

Leo nun dixital deses que son divertidos e dan repelús a partes iguais, que a Asociación de Víctimas del Terrorismo puxo o berro no ceo a causa da publicación, no xornal catalán Avui, desta viñeta, que recolle a varias persoas que, manifestándose contra o Goberno central logo do atentado do pasado sábado en Madrid, se felicitan do mesmo polo dano que este lle vai facer ao Partido Socialista. Non entrarei á valoración, que vostedes deducirán. Só tentarei facer un pouco de memoria. Lémbranse doutras viñetas e de quen, e en que sentido, poñía o berro no ceo?.

Acto de confraternidade luguesa

Decembro 7th, 2006 Decembro 7th, 2006
Posted in Medios, Momentos freaks, País
99 Comments »

[gv data=”5ikCE3DXwSA” width=”425″ height=”350″][/gv]

Leo en chuza! unha noticia tan lucensística, tan rebordante de lucensite aguda polos catro costados, que non puiden senón facer todo o que estaba na miña man para poñelo a disposición do globo enteiro, ademais de establecer as condicións técnicas necesarias para penduralo destas liñas. A cousa vén sendo a seguinte: informativo de TeleLugo (isto é o célebre e tan comentado por un servidor nas noites de farra “Lugodiario“. A presentadora [decátense vostedes de cantas veces mira á cámara e cantas ao papel que ten na mesa], cuxo nome descoñezo, dá paso á información referida á lucensísima e rancísima gala “Lucenses del año”, que é o equivalente lugués aos Gallegos del año de El Correo, afirmando que se trata dun acto de “confraternidade luguesa”.

Na gala en cuestión, un dos que sae á palestra é Roberto Vilar, vaia, Tonecho Martínez para servirle a Dios, a usté, i ao Málaga Virgen. Comeza a súa intervención, bastante perxudicado por certo, dándolles a benvida a todos os presentes á “asemblea de gais e lesbianas da provincia de Lugo” e remata escarallándose do alcalde Orozco (o cal, no final do video, fai o propio dende a súa mesa). Ollo ademais á despedida de Paco.

Repártense premios, oiga

Decembro 6th, 2006 Decembro 6th, 2006
Posted in Medios, País
54 Comments »

docil.jpg

premio-2006.jpg

A noticia de arriba publicábase hai un ano, a de abaixo, a semana pasada. E non pasa nada. A única voz crítica coa cuestión (e menos mal) é a do Colexio Profesional de Xornalistas, através do seu decano, Xosé Manuel Vega. E saben o problema? que esta é só unha mostra máis dunha actitude cara aos medios de comunicación que, cada vez máis, fai que repita aquilo de “se isto pasase co PP, a que se montaba“. Pero agora, reitero, non pasa nada. E, mentres e non, os medios, os xornalistas, canto máis tranquilos, máis mandadiños e máis atentos ao teléfono, mellor, e se sentan nun xurado con moqueta e entrega de premios no Hostal dos Reis Católicos, xa nin digamos. Se é que ata aos monicreques se lles fai unha férrea marcaxe… e que pasase isto en tempos do Patrón, pois vale, pero agora, sinceramente, decepcióname.

Dígame a data da foto…

Novembro 25th, 2006 Novembro 25th, 2006
Posted in Medios, País
30 Comments »

inauguracion.jpg

Pois non, non é de hai trinta, quince nin dez nin dous anos. É de onte. Inauguración dun balneario en Vilalba coa asistenza das “fuerzas vivas”… léase… Don Manuel (que soplou candeas de aniversario), a delegada da Vicepresidencia, os empresarios que poñen os euros (Manuel Jove, alias “El Gallego” e Joan Gaspart). Non parece doutro tempo? e non o digo polo branco e negro e, se me apuran, nin sequera polo cura. Están todos os que deben? Deben todos os que están? (visto, como non, El Progreso).

Sobre a COPE e o transporte

Setembro 24th, 2006 Setembro 24th, 2006
Posted in Divagacións, Medios
21 Comments »

COPE Bus.jpg

O fenómeno que vou comentar non lles será, probábelmente, nada novo: a afección de boa parte do sector transportista, léase buseiro ou taxista, polos medios radiofónicos ultra-dereitosos, ou o que vén sendo o mesmo, a teima de taxistas e buseiros por levar a COPE posta, xeralmente a todo trapo e asentindo/sorrindo en plan “di que sí, dales caña…”.
Pero, igual que lles comentaba onte, hai certas cousas das que un non se decata ata que lle toca vivilas en carne propia. O pasado venres, dirixíamonos cunha bolsiña cun par ou tres de recipientes de líquido elemento, a pasar un bo anaco nun piso compostelán convertido por unhas horas nun antro de certa perdición. Así as cousas, e tendo en conta que chovía, optamos pola opción bus urbano. Era dos vellos, así que non tiña tele desas que repiten machaconamente anuncios e videos musicais… polo que o único medio audiovisual (só audio-) era a radio (o arradio). Dende os puntos de inicio e fin de traxecto, puiden reflexionar, entre outros temas, coas prédicas do hooligan de turno sobre:

-O anuncio sobre a Selección Catalá e o malo que é iso para a unidade de España: “claro, un niño va a cualquier pueblo de Esspaññña con la camiseta de la Selección Catalana y no le dejan jugar, claro, claro”.

-A Lei da Memoria Histórica: “aprendan un poco de historia… inocentes e curas fusilados… revanchistas… etc.”

-O 11-M: “al PSOE no le interesa que se sepa la verdá, etc.”

Así as cousas, eu pregúntome… se envío unha carta ao Concello comentando os trastornos que me causa escoitar iso mentres vou no bus urbano farán algo? É que tragar tanto veleno non pode ser bo… Xa sei que cada un ten os seus vicios, pero que pasa, que se un buseiro ten por vicio, non ser, criar pirañas, pode levar unha peixeira cos bechos no bus? Pois iso, home. En-la-casa-de-uno.

Vox pópuli, oiga

Setembro 23rd, 2006 Setembro 23rd, 2006
Posted in Medios, Momentos freaks
26 Comments »

Vox Pópuli.jpg

Lía a edición dixital de El Progreso (cada un ten os seus vicios) cando atopei este texto de indubidábel calidade xornalística, que non me puiden resistir a compartir con todos vostedes. Por certo, o momento da guitarra reprodúceo o mesmo xornal nunha inquietante fotografía un par de páxinas máis adiante. Ai, que humano y que campechano, que tontorrón, es imprevisible.

A Junta e o furbo

Setembro 20th, 2006 Setembro 20th, 2006
Posted in Alén Piornedo, Medios, País
17 Comments »

Todo apunta a que na Federación Galega de Fútbol as cousas non son, nin para nada, limpas. Des que saltou a primeira noticia, logo da denuncia da Asociación de Clubs Galegos de Fútbol, hai máis que indicios de que na Federación, co seu presidente, Julio Meana, e o seu director xeral, Ramón de Llano á cabeza (o mesmo que di que o partido da Selección foi algo semellante a un Solteiros Vs Casados), os cartos -públicos- non se gastaron como se debían, senón todo o contrario. Entre outras cousas, de momento non parece moi vencellado o marisco as cousas do fútbol, ou 100€ por unha ración de polbo, viño e queixo, antóllaseme algo moito tamén.
En fin, o que me chamou a atención foi o papel que está a ter a Radio Galega, que lle está dando bastante bóla ao asunto. Pois ben, hoxe o presidente da Federación Española de Fútbol, Angel María Villar, dixo que poñía “la mano en el fuego” polo presidente da “Federación Gallega de Furbo” e que non coñecía ao Secretario Xeral de Deportes da “Junta” nin o que dicía. Hoxe, no programa Caneando, o seu condutor -o de sempre é Andrés Vieites, hoxe coido que Roberto Carlos Carballo- aclarou:

-Señor Villar, xa lle dixemos moitas veces que non é furbo, senón fútbol, e non Junta, senón Xunta, Xun-ta.

Enorme!