Momentos freaks – Lucensismo e outros males http://malodeaturar.blogaliza.org Casa fundada en 2006 Sun, 03 May 2009 21:54:26 +0000 gl-ES hourly 1 https://wordpress.org/?v=4.7.1 Lo que como, lo que bebo, calcio de leche… ahhh! http://malodeaturar.blogaliza.org/2008/11/06/lo-que-como-lo-que-bebo-calcio-de-leche-ahhh/ http://malodeaturar.blogaliza.org/2008/11/06/lo-que-como-lo-que-bebo-calcio-de-leche-ahhh/#comments Thu, 06 Nov 2008 17:57:33 +0000 http://malodeaturar.blogaliza.org/?p=451 Adriana Ozores

Un dos efectos de escoitar a radio mentres fas o mesmo percorrido á mesma hora durante moitos días é que, sen demasiado esforzo, rematas por familiarizarte e mesmo por saber de memoria as cuñas que, na mesma orde, se emiten nas pausas publicitarias. Unha delas, que a SER adoita emitir antes do boleto das 10, ponme especialmente nervioso e gustaríame compartila con vós, para saber se un é moi repunante (sen -g-) ou se, efectivamente, esta cuña –>Cuña terrible de Leche Pascual protagonizada por Adriana Ozores, as súas reflexións de madurez e os seus ruídos bucais enervan ao máis pacífico. Todo isto, aderezado cunha guitarriña que incita á agresividade matutina Se un día destes hai un altercado entre automobilistas nas entradas da Coruña, quizais a indemnización a teñan que pagar, a pachas, Adriana Ozores e Leche Pascual.

Nota ao pé: desculpade pola calidade do son, a gravación está feita cun teléfono e en movemento no Feiranta-móbil.

]]>
http://malodeaturar.blogaliza.org/2008/11/06/lo-que-como-lo-que-bebo-calcio-de-leche-ahhh/feed/ 5
Hai que subvencionalos! http://malodeaturar.blogaliza.org/2008/09/29/hai-que-subvencionalos/ http://malodeaturar.blogaliza.org/2008/09/29/hai-que-subvencionalos/#comments Mon, 29 Sep 2008 14:49:39 +0000 http://malodeaturar.blogaliza.org/?p=413 Hai que subvencionalos, by Fer

Dende os cerebros máis perversos do Inframundo compostelán. Dos produtores de Agora mandamos nós. Con algunha dose de licor café… e materializado pola retorta -e lúcida- mente de Fer, a Consellaría de Estómagos Agradecidos ten a honra de convidalos a esta magna estrea mundial. Case catro anos despois, daquilo que cada un pense en candidatos e candidatas para protagonizar, co-protagonizar e figurar nun filme chamado a revolucionar o país bipartito.

]]>
http://malodeaturar.blogaliza.org/2008/09/29/hai-que-subvencionalos/feed/ 5
Os Rastreros seguro que non pensaban nisto http://malodeaturar.blogaliza.org/2008/07/14/os-rastreros-seguro-que-non-pensaban-nisto/ http://malodeaturar.blogaliza.org/2008/07/14/os-rastreros-seguro-que-non-pensaban-nisto/#comments Mon, 14 Jul 2008 15:52:49 +0000 http://malodeaturar.blogaliza.org/2008/07/14/os-rastreros-seguro-que-non-pensaban-nisto/

Quizais era só cuestión de tempo: señora, a Xunta organizou unha tractorada. O certo é que, nestes tempos confusos que nos toca vivir, non sería máis de estrañar que moitos outros saraos do Goberno, pero isto en concreto (aínda) non pasou. Trátase dunha peregrinaxe a Compostela protagonizada por 24 tractores clásicos.

Nota mental 1: non lles lembra a ningunha obra pictórica, polo menos en espírito a foto de Otto, artista de AGN? Mirada ao horizonte, bandeira ao vento.

Nota mental 2: non sería un conselleiro de Medio Rural montado nun Massey Ferguson de época un bo cartaz para o vindeiro 25? Non é Barreiros, vale, pero… sempre poderá valer para unha campaña contra os incendios, recuperando o lema “Sorte para o País”, que un director xeral xa fixera célebre nos infaustos días do verán de 2006.

Nota  mental 3: que pensarán Os Rastreros?

]]>
http://malodeaturar.blogaliza.org/2008/07/14/os-rastreros-seguro-que-non-pensaban-nisto/feed/ 4
Hoxe é venres, un saúdo! http://malodeaturar.blogaliza.org/2008/07/04/hoxe-e-venres-un-saudo/ http://malodeaturar.blogaliza.org/2008/07/04/hoxe-e-venres-un-saudo/#comments Fri, 04 Jul 2008 18:32:56 +0000 http://malodeaturar.blogaliza.org/2008/07/04/hoxe-e-venres-un-saudo/ [gv data=”u2rzkSIzIgE” width=”425″ height=”350″][/gv]

Hoxe, e vai un número de veces que só se pode expresar con notación científica (máis info, sobre o asunto, consulte aquí), estes de aquí arriba volven ao Luar, ese fito. Xunto a eles, outro clásico, Sergio Dalma, “un intérprete moi querido polo público galego”. Mágoa que xa non canten o Candil, Marica chuschús.

Nota para iniciados: vexan aquí!

]]>
http://malodeaturar.blogaliza.org/2008/07/04/hoxe-e-venres-un-saudo/feed/ 1
O boneco deste verán! http://malodeaturar.blogaliza.org/2008/06/30/o-boneco-deste-veran/ http://malodeaturar.blogaliza.org/2008/06/30/o-boneco-deste-veran/#comments Mon, 30 Jun 2008 14:58:03 +0000 http://malodeaturar.blogaliza.org/2008/06/30/o-boneco-deste-veran/

A idea naceu dunha conversa con algunha que outra mente perversa, baixo a inspiración dunha obra audiovisual que retrata estes tempos polos que transita o País. Quen asina tenta dar, vía Photoshop, a esa inquedanza… señora, velaquí o regalo deste verán, ideal para vicepresidir as viaxes dende un lugar privilexiado do seu utilitario (póñalle música, verá o que fai…).

]]>
http://malodeaturar.blogaliza.org/2008/06/30/o-boneco-deste-veran/feed/ 6
Crise http://malodeaturar.blogaliza.org/2008/06/11/crise/ http://malodeaturar.blogaliza.org/2008/06/11/crise/#comments Wed, 11 Jun 2008 21:34:58 +0000 http://malodeaturar.blogaliza.org/2008/06/11/crise/

Compartía uns grelos con chourizo, unhas croquetas, queixo de tetilla e unha ensalada con nome de blog nun clásico local de Compostela cando os meus compañeiros de mesa e mais eu comezamos a falar… da crise. En síntese: a folga do transporte, o mar e, en pouco tempo, os labregos, é só o comezo da crise do sistema, provocada polo espectacular encarecemento do petróleo. Un crack, a creba total do noso modo de vida, a fuxida das cidades e a volta ás pequenas comunidades baseadas na agricultura de subsistencia. Catastrofismo? Botáronnos algo na masa das croquetas? En todo caso… imaxínano? E, o máis importante… Murcia e La Rioja… existen?

]]>
http://malodeaturar.blogaliza.org/2008/06/11/crise/feed/ 2
Queiran ou non… Eurovisión http://malodeaturar.blogaliza.org/2008/05/25/queiran-ou-non-eurovision-e-nosa/ http://malodeaturar.blogaliza.org/2008/05/25/queiran-ou-non-eurovision-e-nosa/#comments Sun, 25 May 2008 16:50:37 +0000 http://malodeaturar.blogaliza.org/2008/05/25/queiran-ou-non-eurovision-e-nosa/

Visto o visto, tendo en conta que nunca tivemos a oportunidade de nos bater directamente en tan peculiar evento, e tendo como base todas esas cousas inmateriais que nos unen… hoxe, día de efeméride impronunciábel polas súas siglas, avogo polo seguinte: impulsarmos, dende xa, unha candidatura galaico-portuguesa para Eurovisión 2009. Eu xa teño candidato… imaxinades algún hit dos seus cos arranxos de quen, sen dúbida, tería o dereito moral de compartir escenario en tan magno evento? Temos todo un ano e unha Internet enteira para freakear (ollo ao palabro) sobre o tema. Conto coas vosas aportacións. A luva está lanzada.


]]>
http://malodeaturar.blogaliza.org/2008/05/25/queiran-ou-non-eurovision-e-nosa/feed/ 1
Apuntamentos no Día das Letras http://malodeaturar.blogaliza.org/2008/05/18/apuntamentos-no-dia-das-letras/ http://malodeaturar.blogaliza.org/2008/05/18/apuntamentos-no-dia-das-letras/#comments Sun, 18 May 2008 17:22:22 +0000 http://malodeaturar.blogaliza.org/2008/05/18/apuntamentos-no-dia-das-letras/

Ademais de todo o de sempre, do poeta do Día, de na Galiza en galego e do moi honroso resultado da manifestación convocada pol’A Mesa, hai certas frases, diálogos ou situacións das últimas horas que merecen ser escritas por alguén, co obxectivo de que perduren alén da miña -hoxe- precaria memoria, por mor da escaseza de horas durmidas. A saber:

-Un libro de Marta nunha carpa instalada na Praza do Toural para vender libros galegos.

A toalha de mesa, por riba d’A Mesa.

Aquí estamos, ao pé do Callón.

-Un paraugas de PG, que non do PG, na man dunha conselleira (favorita) manifestante.

Que queiran, que non, Mourente a Eurovisión.

E, por último, o seguinte diálogo escoitado a pé de rúa

Señora 1 (saíndo do portal): Ola, (nome).

Señora 2 (pasando pola rúa): Que, como vai ese home?

Señora 1: igual, segue mal, segue mal.

Señora 2 (con ton case de reproche): ti tamén, que mala sorte tuveches (sic) na vida, cando non é o marido, é o xenro, é que tu tamén… (inaudíbel).

Foto: Vieiros

]]>
http://malodeaturar.blogaliza.org/2008/05/18/apuntamentos-no-dia-das-letras/feed/ 3
O meme dos agasallos http://malodeaturar.blogaliza.org/2008/03/24/o-meme-dos-agasallos/ http://malodeaturar.blogaliza.org/2008/03/24/o-meme-dos-agasallos/#comments Mon, 24 Mar 2008 16:15:55 +0000 http://malodeaturar.blogaliza.org/2008/03/24/o-meme-dos-agasallos/

Recollo a luva guindada por O demo e dispóñome a cumprir co meme (permítanme a cursiva dada a entidade bizarra do palabro) dos agasallos. Logo de facer memoria -son de bastante bo conformar no que a obsequios se refire-, coido que estes son os que non deben faltar na listaxe. Os agasallos máis terríbeis da miña vida son, que eu lembre, os seguintes:

  • Equipación completa do Real Madrid, anos 80 style: sen dúbida, merece encabezar a clasificación. Os 80 foron, como todos sabemos, uns anos moi duros no que a estética se refire, e isto notábase mesmo na roupa deportiva. Se ao look oitentero lle engadimos que a equipación en cuestión era, nin máis nin menos, ca do Real Madrid (la Quinta del Buitre, para máis detalles) xa temos o lote completo. Regalo terríbel, ou a tentativa desesperada dun pai de mudar os criterios futboleiros dun tenro infante, aproveitando como pretexto o seu aniversario -creo-.

  • Xogos de mesa diversos: Pola súa crueldade. Pepe Brazolargo, Tozudo, Adivina quién es (que era o Quién es quién de toda a vida, pero del palo), La sopa loca, Alfred J. Cuack (o xogo)… son só algúns exemplos da perversión feita agasallo. Que sentido gastar cartos nun xogo de mesa, se o seu destinatario é un fillo único? Ningún! Os culpábeis neste caso son diversos, na súa maioría parentes de todo grao e condición.

E non se me vén á cabeza ningún máis… se cadra porque os que me regalan me coñecen ben, ou porque eu son de bo dente, ou polas dúas cousas. Dito isto, correspóndeme a min guindar a luva. E vaille a Abril e Revolução, coma representante da Galiza costeira, Dor na Retina, representando á emigración próxima, En Compostela, coma residente case-ausente e Zero Vacas, que non vai ser todo endogamia.

]]>
http://malodeaturar.blogaliza.org/2008/03/24/o-meme-dos-agasallos/feed/ 4
Un, dous, tres… maaartes http://malodeaturar.blogaliza.org/2008/02/06/un-dous-tres-maaartes/ http://malodeaturar.blogaliza.org/2008/02/06/un-dous-tres-maaartes/#comments Wed, 06 Feb 2008 19:06:16 +0000 http://malodeaturar.blogaliza.org/2008/02/06/un-dous-tres-maaartes/

O Sergas concédeme unha prórroga ata o luns (desta vai, prometido) e a min dáme por reflexionar sobre o xeito en que se pode manifestar o noso feito diferencial, ás veces, nos xeitos máis insospeitados. Para, mostra, un botón que hoxe tiven a oportunidade de comentar á hora do xantar. Cantos galegos, ao escoitar as novas políticas que chegan dende Iankilandia nas últimas horas, pensamos en Barack Obama ou Hillary Clinton?

]]>
http://malodeaturar.blogaliza.org/2008/02/06/un-dous-tres-maaartes/feed/ 61