'Momentos freaks' Category

Quin-dependencia

Abril 29th, 2007 Abril 29th, 2007
Posted in Momentos freaks, País
2 Comments »

quin-dependencia.jpg

A Vicepresidencia de Anxo Quintana, digo da Xunta, presentou onte unha campaña a prol da independencia. Como titular é impactante, non si? (Suspiro dramático)

Os riscos da publicidade

Abril 26th, 2007 Abril 26th, 2007
Posted in Momentos freaks, País
2 Comments »

chuzapp.jpg

Internet é perigosa, iso sábeo todo o mundo (non hai máis que ver un informativo calquera, de Antena 3, poñamos por caso, para saber que isto non é máis ca un invento para crear, a escala mundial, un niño de pederastas, estafadores e terroristas). Un dos riscos de máis recente creación son os banners que non contrata o anunciante, senón a axencia publicitaria. Así, ti tes na túa web un banner que vai cambiando, e hoxe véndeche chourizos e mañá coches… ou anuncia mitins do PP… O sábado todos con Mariano, coño ya! [poden premer na imaxe para vela en toda a súa plenitude]

Nota mental: a todo isto, grazas polo aluvión de mostras de solidariedade logo da miña entrada nos dous parrulos :).

Uka, uka, uka

Marzo 6th, 2007 Marzo 6th, 2007
Posted in Momentos freaks
3 Comments »

[gv data=”LKu_QA8Bn9o” width=”425″ height=”350″][/gv]

Como non podía ser doutro xeito, os desexos da audiencia son practicamente ordes. Así as cousas, e diante das presións populares, aquí o teñen vostedes. Gocen do talento musical de David Hasselhoff (si señorita, escríbese así, como soa…) –Michael Knight, Mitch Buckanan, ai Diorrmío!-, dos máis punteiros efectos especiais dos anos oitenta, de todo un retrato etnográfico a xeito de videoclí. Non teño palabras. Señora, déalle a play, xa non sei que fai lendo… Mondo bizarro!

Xaneiro 22nd, 2007 Xaneiro 22nd, 2007
Posted in Medios, Momentos freaks, País
15 Comments »

[gv data=”Fli5qcbTszk” width=”425″ height=”350″][/gv]

Sinxelamente enorme, se o produto orixinal do Vincent Jalo me parecera enorme, ver a Amancio Prada a ritmo de Funky Cold Rosalía no Luar, aínda que o DJ non fose o propio pai da criatura, xa foi superior. E se aínda por riba un o ve nun deses sitios aos que adxectivos coma “mítico” ou “antolóxico” lles quedan pequenos… imaxínese. Ala, góceno.

Plaza de María Pita con Catedral de San Francisco

Xaneiro 3rd, 2007 Xaneiro 3rd, 2007
Posted in Momentos freaks, País
4 Comments »

Disque Paco quere un bispado para A Coruña. Non lles direi que me sorprenda… de feito, quen non fixo a coña cando lle pegaron a patada para enriba e o mandaron para La Roma? Un, que ten unha mente que se se ocupase en cousas útiles xa tiña catro carreiras… deixou voar o seu miolo para pensar na próxima proposta. Adxunto postal-ficción. Ollo cando se revise o PXOM herculino… non vaia ser que nos sorprendan cunha Santa Igrexa Catedral Basílica de San Francisco de La Coruña… trasladada desde la aldea, neno.

Acto de confraternidade luguesa

Decembro 7th, 2006 Decembro 7th, 2006
Posted in Medios, Momentos freaks, País
99 Comments »

[gv data=”5ikCE3DXwSA” width=”425″ height=”350″][/gv]

Leo en chuza! unha noticia tan lucensística, tan rebordante de lucensite aguda polos catro costados, que non puiden senón facer todo o que estaba na miña man para poñelo a disposición do globo enteiro, ademais de establecer as condicións técnicas necesarias para penduralo destas liñas. A cousa vén sendo a seguinte: informativo de TeleLugo (isto é o célebre e tan comentado por un servidor nas noites de farra “Lugodiario“. A presentadora [decátense vostedes de cantas veces mira á cámara e cantas ao papel que ten na mesa], cuxo nome descoñezo, dá paso á información referida á lucensísima e rancísima gala “Lucenses del año”, que é o equivalente lugués aos Gallegos del año de El Correo, afirmando que se trata dun acto de “confraternidade luguesa”.

Na gala en cuestión, un dos que sae á palestra é Roberto Vilar, vaia, Tonecho Martínez para servirle a Dios, a usté, i ao Málaga Virgen. Comeza a súa intervención, bastante perxudicado por certo, dándolles a benvida a todos os presentes á “asemblea de gais e lesbianas da provincia de Lugo” e remata escarallándose do alcalde Orozco (o cal, no final do video, fai o propio dende a súa mesa). Ollo ademais á despedida de Paco.

Vox pópuli, oiga

Setembro 23rd, 2006 Setembro 23rd, 2006
Posted in Medios, Momentos freaks
26 Comments »

Vox Pópuli.jpg

Lía a edición dixital de El Progreso (cada un ten os seus vicios) cando atopei este texto de indubidábel calidade xornalística, que non me puiden resistir a compartir con todos vostedes. Por certo, o momento da guitarra reprodúceo o mesmo xornal nunha inquietante fotografía un par de páxinas máis adiante. Ai, que humano y que campechano, que tontorrón, es imprevisible.

Da Xantanza 2006

Xullo 30th, 2006 Xullo 30th, 2006
Posted in Momentos freaks
27 Comments »

Xantanza Verán 006 copia.jpg

Ai, señora, acábolle de chegar da Xantanza primavera-verán 2006. E a verdade é que moi ben, moi moi ben. Aínda cos efectos da xerra de viño que pode ver aquí enriba, tamén do licor café, podo dicir que aínda -para min- estivo mellor ca anterior. Polos risos, polo agasallo do meu Amig@ Inblogsíbel (unha tremenda libretiña de xornalista con pluma, que non falte), polo churrasco, polo traxe que lle cortamos á Factoría… Saiban vostede que me prestou moito pasar o día entre o San Clodio e mais Bonaval… a charla profunda con don Modesto, a señora Oko fotógrafa, Emereci despedíndose antes de facer as Américas… Calidonia rematando co misterio inblogsíbel… Ifrit de visita… ou Dorfun surtíndonos de substancias espirituosas. Agardando pola edición outono-inverno e sabendo que aquí non quedan plasmados nin a metade de detalles, despídome… mañá é día de gharabullos…

Goodbye, Paco

Xullo 28th, 2006 Xullo 28th, 2006
Posted in Momentos freaks, País
2 Comments »

Goodbye Paco1.jpg

Hai cousas que, por moi esperadas que sexan, non poden deixar indiferente a un… Que será da túa finca, sen ti, Paco, sen ti. Moitos esta noite choran desconsolados. Que vida esta, Paco, que vida esta…

Queiran ou non, Galiza a Eurovisión

Xullo 16th, 2006 Xullo 16th, 2006
Posted in Momentos freaks, País
7 Comments »

Giraré.jpg

Se vostede é máis ou menos habitual desta casa saberá da especial querencia de quen lles fala por Xil Ríos e a súa composición máis mítica, que me dá nome. Pois ben, unha grata mensaxe sms chegada de terras hercúleas infórmame dunha reportaxe no suplemento dominical de La Opinión que me vén como anel ao dedo, moi do estilo dos tempos A polo ghit que vivimos, isto é, sobre as cancións do verán galegas. Nesta reportaxe, que lin en plan friki en canto a atopei en Internet, además de facerse un percorrido por algunhas cancións míticas de todo, don Xil fai unha revelación que paso a relatar de xeito resumido: Xirarei estivo preseleccionada para representar a Ejpaña en Eurovisión no 1985. Imaxinan se poderían soportar a José Luis Uribarri dicindo algo tal que así?:
Canción: Giraré

Canta: Sil Ríos 

Non digo máis.