País – Lucensismo e outros males http://malodeaturar.blogaliza.org Casa fundada en 2006 Sun, 03 May 2009 21:54:26 +0000 gl-ES hourly 1 https://wordpress.org/?v=4.7.1 3,2,1… Imos aló http://malodeaturar.blogaliza.org/2008/12/09/321-imos-alo/ http://malodeaturar.blogaliza.org/2008/12/09/321-imos-alo/#comments Mon, 08 Dec 2008 23:05:21 +0000 http://malodeaturar.blogaliza.org/?p=469 Logo XdG

Despois das correspondentes contraccións, o neno nacerá mañá hoxe, que xa é martes 9, e dará os primeiros pasiños, primeiro arredor dos quioscos, logo aprenderá a xogar coa Rede e, xusto despois, aprenderá a andar para chegar todo o lonxe que poida. Collerémolo da man para saír á rúa. Imos aló.

]]>
http://malodeaturar.blogaliza.org/2008/12/09/321-imos-alo/feed/ 4
Feijóo 2.0 de momento, cólgase http://malodeaturar.blogaliza.org/2008/11/30/feijoo-20-de-momento-colgase/ http://malodeaturar.blogaliza.org/2008/11/30/feijoo-20-de-momento-colgase/#comments Sun, 30 Nov 2008 19:02:54 +0000 http://malodeaturar.blogaliza.org/?p=465 Feijóo.tv

A estas alturas xa non é un segredo que o Partido Popular terá como pilar fundamental da súa campaña electoral en Galiza a imaxe de Alberto Núñez Feijóo, o seu candidato á presidencia da Xunta. Como ben apunta hoxe Jose Precedo en El País, as siglas do PP van perdendo tamaño a medida que o gañan Feijóo e o seu ben deseñado logotipo, Feijó009 -unha cousa é o deseño, outra cousa é o asunto James Bond-. Así as cousas, quen asina non comprende como os estrategas electorais dos conservadores galegos e mais a axencia de publicidade encargada de tentar levar a don Alberto a San Caetano non caeron na conta de que a primeira gran acción de propaganda, paralela ao acto de proclamación de hai sete días en Santiago, pode ser un fracaso ou, o que é peor, pode ser un motivo de mofa, escarnio e maldizer precisamente naquel novo electorado no que queren callar. Fálolle, señora, cabaleiro, do videoblog Feijoo.tv.

Que o aspirante popular tivese un vlog era cuestión de tempo. Xa o presentara Anxo Quintana, é previsible que o PSdeG faga algo semellante e é a moda, o que toca, vaia. Outra cousa é materialización. Ademais de fallar no asunto do marketing viral e de estendelo polas redes sociais en Internet, algo que os autores do sitio de Quintana si souberon e saben facer, o principal problema é, na miña humilde opinión, a propia páxina. Trátase dunha web manifestamente mellorable no que á súa apariencia se refire, cunhas animacións que semellan sacadas dun capítulo de SouthPark e que serían moi modernas hai dez anos e unha estética que podería ter deseñado Emilio Pérez Touriño de cara a facer zozobrar o barco do PP en Internet. Se falamos dos videos, o resultado non é moito mellor. Primeiro, observamos a un Feijóo de cartón-pedra preocupado pola crise  nunha cociña que máis semella un plató, con dous post-its e mais unha factura de atrezzo -non hai ligazón, tampouco o teñen previsto-. Despois, continuamos co presidente do PPdeG asegurando que vai “encher” o solar sen edificar que ten ás costas -eu, dos responsábeis da campaña, non utilizaría como metáfora o urbanismo, no caso do PP-, cunha escenografía propia dun celebrities de Muchachada Nui. Poderiamos concluir, polo tanto que, polo menos en Internet, o equipo de Alberto Núñez Feijóo leva, de momento, un “necesita mellorar”, por non dicir suspenso e que a súa adaptación á web 2.0 e que se lle ve tan incómodo na web 2.0 como na cociña dende a que nos transmite as súas preocupacións pola suba do custo da vida.

Imaxe: Feijoo.tv

]]>
http://malodeaturar.blogaliza.org/2008/11/30/feijoo-20-de-momento-colgase/feed/ 1
20-N http://malodeaturar.blogaliza.org/2008/11/21/20-n/ http://malodeaturar.blogaliza.org/2008/11/21/20-n/#comments Fri, 21 Nov 2008 00:18:25 +0000 http://malodeaturar.blogaliza.org/?p=460

Hoxe, 20 de novembro, cumpriuse o 73º cabodano do pasamento do ditador Francisco Franco Bahamonde, que morreu na cama. Hoxe, tamén, coñecemos que un esperpéntico grupúsculo radical interpuxo unha denuncia perante a Fiscalía do Tribunal Superior de Xustiza contra un partido político, legal e democrático, como tantos outros. E fíxoo porque disque a súa conduta é “repugnante” na imposición do uso da “lengua regional” e manipula menores através dos seus “grupos auxiliares”.

En tan magna data quero ademais, antes de durmir, compartir con vostede, que le, dúas frases que escoitei onte. A primeira perténcelle a un compañeiro de redacción e, a outra, ao propietario dun establecemento de hostalería da coruñesa Ronda de Outeiro. Aí quedan:

“Un xornalista que chega á casa sobrio e antes das doce da noite, nin é xornalista, nin é nada”

“Yo no soy racista, pero prefiero que estean allá”

Dito queda.

]]>
http://malodeaturar.blogaliza.org/2008/11/21/20-n/feed/ 5
Se Sócrates erguese a cabeza… http://malodeaturar.blogaliza.org/2008/11/13/se-socrates-erguese-a-cabeza/ http://malodeaturar.blogaliza.org/2008/11/13/se-socrates-erguese-a-cabeza/#comments Wed, 12 Nov 2008 23:06:49 +0000 http://malodeaturar.blogaliza.org/?p=456

“Ao Valedor (…) habería que retiralo da circulación”

Francisco Rodríguez, Os Soprano

“Deixe de empregar as estatísticas como os borrachos utilizan as farolas: para agarrarse a elas e non caerse, que é como as utiliza vostede”

Emilio Pérez Touriño, se hai paro, non bebas

Non me meterei en se lles falta ou sobra razón, de seguro que o sabio lector chega á conclusión. En todo caso, ao longo de todo o día cheguei á conclusión de que ambas as dúas perlas dialécticas non podían quedar tiradas aí fóra, entre as tebras e o renxer de dentes.

]]>
http://malodeaturar.blogaliza.org/2008/11/13/se-socrates-erguese-a-cabeza/feed/ 2
Manteros http://malodeaturar.blogaliza.org/2008/10/11/manteros/ Sat, 11 Oct 2008 16:38:40 +0000 http://malodeaturar.blogaliza.org/?p=442 Manteiros

As dúas primeiras semanas de outubro son as festas de Lugo. Do 4 ao 12, as rúas do centro da cidade alteran o seu ritmo de vida normal e énchense de barracas, churrarías, tómbolas e, dende hai uns anos, tamén de homes e mulleres de pel morena que tentan quitar uns poucos cartos vendendo cedés piratas, bolsos de Armoni ou Chinnel e suadoiros de Adudas ou Abibas. Son rapaces moi novos, que roldan os vinte anos e non dubidan en viaxar moitos quilómetros, fuxindo da fame, para chegar a este punto do mapa e rabuñar uns euros que, con sorte, lles darán para pagar os bocadillos que coman mentres estean na cidade e mais o billete de autobús para marchar a outra feira.

Todo isto acontece nunhas festas que hai xa tempo que abandonaron o seu carácter de romaría para pasaren a ser a grande e masiva celebración do outono galego, algo que, seguramente con bo criterio, levou a que as autoridades observasen a necesidade dun dispositivo policial acorde coa masa de propios e foráneos que poboan as rúas luguesas durante estes días. Así, as patrullas da mermada policía local refórzanse estes días con eses funcionarios policiais que levan un leonciño no ombro e que teñen a principal función de disuadir o criminal e transmitir sensación de seguridade.

Nestas condicións, quen manda nos policías do leonciño deciden que, para reforzar esa sensación de seguridade, pode ser unha grande idea repetir o espectáculo que xa se estreara hai uns anos na Rúa Real da Coruña, e desenvolver unha redada contra a pirataría. Non contra os que traen aos rapaces dos que antes falabamos e lles chuchan ata o sangue. Non contra os que importan as falsificacións, Tampouco contra quen as almacenan. Só porra contra manta de cedés, paseantes lucenses de-toda-la-vida que, por primeira vez, se decatan que o lado da sensatez, polo menos neste caso, non é o do uniforme, e non dubidan en protexer ao mantero da desmesura policial. De postre, temos un xornalista retido nun furgón das Fuerzas y Cuerpos. O entremés celebrouse a poucos metros do lugar en que, ao comezo das festas, dúas churrarías arderon ao carón de dous centros educativos. Sensación de seguridade.

Foto: Xesús Ponte, en El Progreso do 9 de outubro.

]]>
O debate do estado da cuestión http://malodeaturar.blogaliza.org/2008/10/10/o-debate-do-estado-das-cuestion/ http://malodeaturar.blogaliza.org/2008/10/10/o-debate-do-estado-das-cuestion/#comments Fri, 10 Oct 2008 01:05:38 +0000 http://malodeaturar.blogaliza.org/?p=436 Debate

Por primeira vez en tres anos vivín un acontecemento político neste santo país dende a distancia do ouvinte, o lector ou o espectador. O Debate, de estado da autonomía, de política xeral, de estado da nación… chegou á miña casa como á de todo o mundo, pola radio, pola tele, por Internet e, ao día seguinte, polo xornal. A primeira xornada, mentres o presidente desgranaba durante dúas horas infraestruturas, dous mil doces e subvencións ás empresas que contraten indefinidamente a persoas que leven máis doce meses no paro, eu aproveitei para facer a cama, pór un pouco de orde no meu cuarto e ir ao súper. Pola tarde, merquei unha camisa con Anxo Quintana lembrándolles ás bancadas populares que xa abonda de dicir que o castelán está en perigo de morte, e elixín unha chaqueta negra en Zara mentras Alberto Núñez Feijoo subía á tribuna cunha caste de discurso de investidura adiantado.

Soubemos con este debate que os socios do bipartito veñen de escenificar a unidade do Goberno. Por primeira vez no que vai de lexislatura -deixando de lado aqueles días do verán de 2005-, dende as bancadas nacionalistas se aplaudiu en masa o discurso de Emilio Pérez Touriño e, dende as do PSdeG, fíxose o propio coa intervención de Anxo Quintana. Non podo evitar preguntarme que nos trouxo de bo, ou de novo, o acontecemento, aparte de todo o ritual que supón, dunha lembranza máis de que as eleccións están aí, á volta, e do momento histórico da semana, co Partido Popular aprobando (sí-pero-no) unha proposta de resolución que condea a ditadura de Franco. Non os botan de menos, parlamentariamente falando, aínda que só sexa un chisquiño?

Nota ao pé: todo o que na entrada anterior diciamos con toda caste de cautelas, agora podemos dicir que xa é seguro. E aviso: estase a cocer algo moi grande… xa me verán a cara de ilusión.

]]>
http://malodeaturar.blogaliza.org/2008/10/10/o-debate-do-estado-das-cuestion/feed/ 1
Hai que subvencionalos! http://malodeaturar.blogaliza.org/2008/09/29/hai-que-subvencionalos/ http://malodeaturar.blogaliza.org/2008/09/29/hai-que-subvencionalos/#comments Mon, 29 Sep 2008 14:49:39 +0000 http://malodeaturar.blogaliza.org/?p=413 Hai que subvencionalos, by Fer

Dende os cerebros máis perversos do Inframundo compostelán. Dos produtores de Agora mandamos nós. Con algunha dose de licor café… e materializado pola retorta -e lúcida- mente de Fer, a Consellaría de Estómagos Agradecidos ten a honra de convidalos a esta magna estrea mundial. Case catro anos despois, daquilo que cada un pense en candidatos e candidatas para protagonizar, co-protagonizar e figurar nun filme chamado a revolucionar o país bipartito.

]]>
http://malodeaturar.blogaliza.org/2008/09/29/hai-que-subvencionalos/feed/ 5
Premios a esgalla http://malodeaturar.blogaliza.org/2008/09/03/premios-a-esgalla/ http://malodeaturar.blogaliza.org/2008/09/03/premios-a-esgalla/#comments Wed, 03 Sep 2008 08:28:03 +0000 http://malodeaturar.blogaliza.org/?p=397 Recortes Premios Galicia Comunicación

Son algo menos de tres anos os que separan estes dous recortes. O primeiro corresponde a finais de 2006, cando o por, naquela altura, “Novo Goberno“, daba os seus primeiros pasos. O segundo, está tirado dun DOG de hai uns días, e convoca unha nova edición duns galardóns que nos van custar 43.990,36 euros. Nunca me poderá parecer ben un premio xornalístico que proveña dun Goberno, sexa este do cor que sexa e veñan as propostas de onde veñan -agora deben ser enviadas polos autores dos traballos ou por  persoas e/ou entidades que consideren a un terceiro merecedo do galardón-. E é que, na democracia mediática (que vén de “medio”, pero tamén podería vir de “medo”) na que vivimos, o que menos falta fai é unha ligazón de vasalaxe, servilismo, peche de bocas, adulación barateira ou palmadiñas nas costas entre Executivo e empresas de comunicación. Subvencións, premios e medios públicos. Novo Goberno, cambio(?).

]]>
http://malodeaturar.blogaliza.org/2008/09/03/premios-a-esgalla/feed/ 3
Bo Día da Patria http://malodeaturar.blogaliza.org/2008/07/25/bo-dia-da-patria/ http://malodeaturar.blogaliza.org/2008/07/25/bo-dia-da-patria/#comments Fri, 25 Jul 2008 17:37:32 +0000 http://malodeaturar.blogaliza.org/2008/07/25/bo-dia-da-patria/

Porque, malia durmir tres horas e ter que traballar, malia aos anacronismos, malia a certos eslogans, malia aos de sempre, este Día encántame.  Bo Día da Patria.

]]>
http://malodeaturar.blogaliza.org/2008/07/25/bo-dia-da-patria/feed/ 12
Os Rastreros seguro que non pensaban nisto http://malodeaturar.blogaliza.org/2008/07/14/os-rastreros-seguro-que-non-pensaban-nisto/ http://malodeaturar.blogaliza.org/2008/07/14/os-rastreros-seguro-que-non-pensaban-nisto/#comments Mon, 14 Jul 2008 15:52:49 +0000 http://malodeaturar.blogaliza.org/2008/07/14/os-rastreros-seguro-que-non-pensaban-nisto/

Quizais era só cuestión de tempo: señora, a Xunta organizou unha tractorada. O certo é que, nestes tempos confusos que nos toca vivir, non sería máis de estrañar que moitos outros saraos do Goberno, pero isto en concreto (aínda) non pasou. Trátase dunha peregrinaxe a Compostela protagonizada por 24 tractores clásicos.

Nota mental 1: non lles lembra a ningunha obra pictórica, polo menos en espírito a foto de Otto, artista de AGN? Mirada ao horizonte, bandeira ao vento.

Nota mental 2: non sería un conselleiro de Medio Rural montado nun Massey Ferguson de época un bo cartaz para o vindeiro 25? Non é Barreiros, vale, pero… sempre poderá valer para unha campaña contra os incendios, recuperando o lema “Sorte para o País”, que un director xeral xa fixera célebre nos infaustos días do verán de 2006.

Nota  mental 3: que pensarán Os Rastreros?

]]>
http://malodeaturar.blogaliza.org/2008/07/14/os-rastreros-seguro-que-non-pensaban-nisto/feed/ 4