O meme dos agasallos

Recollo a luva guindada por O demo e dispóñome a cumprir co meme (permítanme a cursiva dada a entidade bizarra do palabro) dos agasallos. Logo de facer memoria -son de bastante bo conformar no que a obsequios se refire-, coido que estes son os que non deben faltar na listaxe. Os agasallos máis terríbeis da miña vida son, que eu lembre, os seguintes:

  • Equipación completa do Real Madrid, anos 80 style: sen dúbida, merece encabezar a clasificación. Os 80 foron, como todos sabemos, uns anos moi duros no que a estética se refire, e isto notábase mesmo na roupa deportiva. Se ao look oitentero lle engadimos que a equipación en cuestión era, nin máis nin menos, ca do Real Madrid (la Quinta del Buitre, para máis detalles) xa temos o lote completo. Regalo terríbel, ou a tentativa desesperada dun pai de mudar os criterios futboleiros dun tenro infante, aproveitando como pretexto o seu aniversario -creo-.

  • Xogos de mesa diversos: Pola súa crueldade. Pepe Brazolargo, Tozudo, Adivina quién es (que era o Quién es quién de toda a vida, pero del palo), La sopa loca, Alfred J. Cuack (o xogo)… son só algúns exemplos da perversión feita agasallo. Que sentido gastar cartos nun xogo de mesa, se o seu destinatario é un fillo único? Ningún! Os culpábeis neste caso son diversos, na súa maioría parentes de todo grao e condición.

E non se me vén á cabeza ningún máis… se cadra porque os que me regalan me coñecen ben, ou porque eu son de bo dente, ou polas dúas cousas. Dito isto, correspóndeme a min guindar a luva. E vaille a Abril e Revolução, coma representante da Galiza costeira, Dor na Retina, representando á emigración próxima, En Compostela, coma residente case-ausente e Zero Vacas, que non vai ser todo endogamia.

4 Responses to 'O meme dos agasallos'

  1. :: caminhos cruzados » O meme dos presentes (sobre os piores agasalhos) Says:

    […] meme sobre os piores presentes/agasalhos já recebidos. Já responderam a jornalista do Partido e o jornalista do Grupo, faltando apenas o blogueiro mais modesto mais, e cito textualmente, «o jornalista que fai país» […]

  2. xorna Says:

    O meu caso é moito peor! http://decatroacatro.blogspot.com/2008/03/o-meme-dos-agasallos.html

  3. oko Says:

    prometo responder cando remate coa serie da miña viaxe!
    moitos bicos!!!
    (e que vaaaa, nada de endogamia, tendo en conta a profesión de todos os aludidos!!!)

  4. :: madeira de uz | O meme dos presentes: sobre os piores agasalhos Says:

    […] meme sobre os piores presentes/agasalhos já recebidos. Já responderam a jornalista do Partido e o jornalista do Grupo, faltando apenas o blogueiro mais modesto mais, e cito textualmente, «o jornalista que fai país» […]